Ætlar þetta engan endi að taka?

Ég var að rísa úr rekkju kl. 9:30 í morgun þegar feitur kippur hendir mér aftur í bólið! Í svefnrofunum hélt ég að þetta væri sign from God um að ég ætti bara að sofa áfram þannig að ég lagðist bara aftur. Tveim sekúndum síðar koma tvær risaflugur þjótandi upp í rúm til mín - öskrandi JARÐSKJÁLFTI! Fokk, ég snarvaknaði og áttaði mig á því að sennilegast væri best að fara á fætur bara...

Svo er ég búin að vera að fylgjast með á www.vedur.is eins og ég hef svo oft gert síðan sá stóri var og ég er ekki frá því að virknin sé eitthvað meiri í dag en oft áður. Vona samt að þetta verði ekki neitt meira. Maður er búinn að fá frekar mikið nóg af þessum hristingi.

Athugasemdir

[Steinn Hafliðason, 17.7.2008 kl. 12:46]

Þú átt nú bara ekkert að vera að sofa svona lengi. Var þetta ekki bara vekjaraklukkan hjá þér að titra á náttborðinu?

[Tinnhildur, 17.7.2008 kl. 13:28]

Hei sko. Vekjaraklukkan titraði kl. 6:15 til að vekja kallinn og ég sofnaði ekki fyrr en klst síðar. Þess vegna var ég svona sein á fætur