Sól sól skín á mig

Já Habbý, Akranes var sko æði! Þvílík bongóblíða

Veðrið hér á Selló svíkur mann sko ekki heldur. Eftir vinnu í dag fór ég með Emblu og Finni í Álftarimann, Finnur fór að rífa veggi og ég að bera á pallinn minn. Ekki tókst mér nú að klára hann allan en ég er komin helv... langt. Enda er kvikindið ca 30 fm og ég bakveik kelling. Við erum að spá hvort við getum fengið okkur verktaka í framkvæmdirnar, við vitum í raun ekkert hvað skemmdirnar á húsinu voru metnar hátt ennþá svo þetta er í svolítilli biðstöðu. En við fengum samt verktaka í heimsókn í dag og þeir geta byrjað í næstu viku - ef allt gengur eftir - í næstu viku! Það þýðir að ég næ að flytja í húsið mitt aftur í ágúst  mikið væri það gaman  *krossaputta*

Að öðru þá er ég byrjuð að vinna aftur. Er farin að sofa þokkalega og því lítið til fyrirstöðu en að drífa sig aftur á leikvöllinn. Enda eru þetta síðustu 2 vikurnar mínar í þessari frábæru vinnu, því sumarfrí hefst þann 7. júlí og þá er ég hætt. Þann 15. ágúst byrja ég svo á nýjum vinnustað. Ég verð umsjónarkennari í Sunnulækjarskóla næsta vetur, annaðhvort í 1. eða 2. bekk. Ég hlakka mikið til

Athugasemdir

[Anna Heiður 25.6.2008 kl. 11:19]

Hæhæ, svítí.. Gaman að lesa að allt er í rétta átt hjá ykkur eftir þetta stóra áfall

 Ætla að fara kíkja í heimsókn til þín við tækifæri enda erum við orðnir nágrannar í smá tíma

Knúslur..

[Tinnhildur, 27.6.2008 kl. 21:29]

Takk Anna mín - vertu barasta velkomin!